عِشرة بوابتك للحياه
أكون خاتم في صباعك…..تعمل فيا ما بدالك.
تجيني وقت ما تجيني ……تسيبني لما يحلالك.
ولو راحتك مع دموعي……عيوني تبكي وتزيدك.
وأسيب عمري وأيامي ….ورهن إشارة من إيدك.
أأجل كل أحلامي….علشان توصل لأحلامك.
تكون الآمر الناهي….امشي ورا كلامك.
ولما تخونياقول سامحي علشان بيتك.
وأصدق لما بيقولي أنا من قلبي حبيتك.
وأدوس على قلبي وكرامتي….علشان انت تكون راضي.
ولما تقل من قيمتي …..مركزش واقول عادي.
حاجات وهمية ومريضة…بتتمناها في خيالك.
وقبل ما امشي…..في كلمه اخيرة اقولهالك.
انا مش جاريه ولا عبده…..انا ستك وتاج راسك.
_شيرين في الاغنية دي وصفت شكل العلاقة المريضة صح جدا . الشخصية اللي بتتخلى عن شخصيتها وأرائها وطموحاتها وبتبقى خاتم في صباع حبيبها .
-اللي مبيرتاحش غير في انهيارها .اللي بتتخلى عن احلامها علشان تعليه.
-اللي بتستحمل الخيانه مش علشان هو ندم او شايفها غلطه لأ علشان تكمل الشكل العام وميتقالش عليهاهدت بيتها.
-اللي شايف ان قيمته بتعلى لما يشدها لتحت .
-اللي بيعاملها على انها مواطن من الدرجه التالته في دولة غروره.
المأخذ الوحيد ان زي ما انتي مش عبده او جاريه …انتي كمان مش سته …..مفيش في اي علاقة صحيه طرف بيبقى اعلى من التاني.
_في اشخاص متساويين في الحقوق والواجبات.
-في حنيه ومسانده وتقدير وتشجيع.
-في مناقشة قايمه على المشورة بينهم من غبر سيطره.
-فيه اخلاص حقيقي ومسمحه على الاخطاء مبنية على اعتذار حقيقي مع وعد بعد تكرار الخيانه والإهانه مش علشان المركب تمشي وهي داخلها ميه الغرق من كل اتجاه.
-فيه افعال حب حقيقي مش كلام وخلاص.
-فيه مراعاه لمشاعر كل طرف من غير ما حد يدوس على كرامته .
-فيه احلام مشتركة وفيه رغبة حقيقية ان اللي ادامنا ينجح لأنه نجاحه من نجاحي
الكلام ده مش للستات بس لأن كمان فيه رجاله مستحملين علاقات مؤذية ومكملين.
الكلام ده للكل.
