عِشرة بوابتك للحياه
في الفترة الأخيرة كتير من البنات/السيدات بدأوا ينجذبوا لأنهم يلعبوا #دور_المُنقذ، بإعتبارها هي اللي هتغيّر العالم، بقى عندها إستعداد تضحّي بوقت ومجهود كبير في سبيل إنها تغيّر شخص تاني .. والموضوع يا إما بيكون سببه إحتياج غير مشبع أو حاجة للقبول الإجتماعي!
سواء كان دور المنقذ تجاه، حبيب، زوج، صديقة، أو أولاد .. النوع ده من البنات/السيدات، بيتأثروا وساعات بيغيّروا قناعاتهم في سبيل أشخاص تانيين، وبتفضل الدايرة تدور، لحد ما يفقدوا صفاتهم الحقيقية، وتبدأ شخصيتهم تختفي في اللي حواليهم! وبعدين بيعيشوا في ضغط نفسي طول الوقت وبيتحملوا مسئولية اكبر منهم!
ماتحاوليش تسعي لأنك ترضي كل الناس، وكمان إنتي مش سوبر وومان عشان تنقذي كل اللي حواليكي، اكسبي نفسك وحبيها، وساعتها هتقدري تساعدي غيرك
