الدكتور أيمن فرج يكتب..عارفه يامه..!!

( عارفة يامه )

لما بسرح فيكى يامه

عارفة كنت بقولك ايه..!!

بعد منك قلبى يامه.

الزمن آسى عليه

كل يوم فى قلبى ليكى ألف صورة حلوة بيكى ..

صورة لما ضحكتى ضحكة نورت بيها حياتى..

صورة و انتى جاية يامه تقعدى جنبى ليلاتى..

يا بنى مالك إيه جرالك شد حيلك فى المذاكرة..

ناسية يامه و لا فاكرة ..!!

حتى لما كبرت حبة قلبى يامه زاد محبة..

قلب ساع الدنيا يامه..

كنت جواه بستخبى..

كنتى يامه تدارى تعبك عن عيونى كل ليلة..

لجل قلبى ينام كويس و انتى يامه سنين عليلة..

كنت بتغطىَ برموشك كنت بستقوى بحنانك..

و لا شيئ عني يحوشك.

كنتى مأوى و ربي زانك..

ربنا يامه يراضيكى.

يجعل الجنة مقامك..

ألف رحمة و نور عليكى..

و افتكر دايما كلامك..

#الدكتور_ايمن_فرج