الدكتور أيمن فرج يكتب..تعرف فلان..!!

( تعرف فلان )

قالوا زمان تعرف فلان ..

قولت أعرفه صاحب جدع عشرة سنين..

و من حبايبى الطيبين..

أو كنت متصور كده..

حب و رضا ..

و كان صديق مشيت معاه كل الطريق..

تبقى لسة متعرفوش ..

دلوقتى خان و الود هان..

و فى الخداع كسب الرهان..

لأ متقولوش ..!!

إزاى كده..!!

قولوا كلام غير الكلام..

دا ماكنش فى بينّا خصام..

و ياما كلنا عيش و ملح..

معقولة يتسبب فى جرح..

هو كده..

إفهم بقى..

و بلاش طيابة مقلقة..

دا كان بيتكلم عليك..

و يكره الخير اللى ليك..

و قال و عاد و الحقد زاد ..

و عمره ما صان الجميل..

و عندنا مليون دليل ..

خلاص مانيش عايز دليل ..

دا ربنا نعم الوكيل

#الدكتور_أيمن_فرج