عِشرة بوابتك للحياه
أحد قوانين المهن النفسية اللي للاسف محدش بياخد باله منها
انك لاتعالج حد قريب ليك و مهم تحوله لمختص تانى علي طول
و لا تعمل علاقة مع أحد عملائك الحاليين أو السابقين خارج اطار العلاقة العلاجية
كنت زمان بستغرب الموضوع و الحكمة منه لانى كنت متوقعة ان قريبى دا هكون عارفاه اكتر من المعالج
بس فهمت الحكمة منه لما سمعت ازواج حكوا لزوجاتهم الجزء الخفى المظلم الى جواهم
و دا عمل توتر شديد للزوجة
و للعلاقة ككل
او العكس
زوجة حكت لزوجها الجزء المظلم بتاعها و حس ان مش هى دى الى اتجوزها و اتصدم و شك فيها
علشان كدة مهم جدا تنتقى الانسان الى ممكن تفضفض معاه بالجزء الخفى دا بعناية شديدة
و لو حد اضطلع عليه و اتصدم راعى انه مصدوم
و علشان كدة كمان مهم نتعامل مع الناس بظاهر أعمالهم أفضل و نتوكل على المولى عز وجل فى الخفايا
فهو وحده الأعلم بخائنة الأعين و ما تخفى الصدور
و مش مطلوب منك تعرف الا لو التانى فضفض
و ما تصاحبش عميل اظهر لك الجزء المظلم لانك ممكن تستغل دا بشكل أو بآخر
و للنفوس حرمات أيضا
