“أنتِ عاوزه أيه “ورشة كتابة تعبيرية للسيدات في “ونٌس”

انتِ عاوزة ايه؟
السؤال يبدو بسيط
بس الواقع أن اجابتنا عليه في اوقات كتير بتكون في منتهى الصعوبة
بندخل في علاقات غريبة مش عارفين هنخرج منها بايه
بنسمح لناس يأذونا ويضايقونا مش عارفين ليه
بنعمل تصرفات واحنا مش فاهمين عملناها ليه
———————
سؤال انتي عاوزة ايه استغرق مني 5 سنين عشان اجاوبه من 2013 ل 2018
جربت حاجات كتير
جربت العزلة
جربت اجتناب الناس
جربت اتعامل مع ناس جديدة
جربت اعمل خطط وأحط اهداف
جربت امشي مع كوتش
جربت اقرا كتب في التنمية البشرية وعلم النفس الإيجابي
حضرت كورسات وندوات واتعلمت اونلاين في كل مجالات بحبها
جربت اكتب أتكلم اكتئب أفرح ازعق واتخانق

بس معرفتش انا فعلا عاوزة غير لما بدأت استخدم الكتابة التعبيرية
يومها بس قدرت اتنفس وأحس بالحياة ويمكن من وقتها وانا عاوزة كل الناس تتعلم الكتابة التعبيرية وتعرف هيا عاوزة ايه!!

الكتابة التعبيرية نوع من أنواع الفنون التعبيرية اللي،بيستخدمها العالم في الوقت الحالي لفهم النفس،والوعي وتغيير العادات والسلوك كما يستخدمها المعالجين النفسيين في استبصار ما تخفيه النفس ولا يبوح به المرء

يوم السبت 6أكتوبر ورشة كتابة تعبيرية للسيدات في “ونس”

“ونس”. ساحة ثقافية فى مصر الجديدة .. تنظم و تستضيف العديد من الفعاليات و الأنشطة التى تهتم بتطوير و تنمية الإنسان و المجتمع من فنون و آداب.
ونس للفنون و التنمية – 8 عثمان ابن عفان خلف كنيسة البازيليك و قرب فندق بيروت – مصر الجديدة
———————