عِشرة بوابتك للحياه
بعد الخروج من أى تجربة فاشل يسارع اي شخص بالهروب من الوحدة بالبحث عن شريك للحياة يعيش معه ويستأنس به وقد يكون الاختيار خاطئا لحالة الاضطراب التي تكون مسيطرة على صاحب التجربة الفاشلة هذه مما ينتج عنه حياة جديدة بائسة غير سعيدة .
يقددم لك بعض أطباء الطب النفسي روشتة سهلة ولاتحتاج طرف أخر وتتلخص في أنك تكتفي بنفسك وكفى…
أو بمعنى أخر “أتجوز نفسك” ويتم ذلك على مراحل أولها
١-زي اي علاقة جديدة بتدخلها ، هتبدأ تفهم نفسك وتتعرف عليها ، تحاول تشوف ايه اللي بيريحها وتعمله وايه اللي بيأذيها وتبعد عنه .
٢-هتبدأ تسمعها كلام حلو ( توكيدات ايجابية) علشان تصدقك وهتقوله كتير وبشكل يومي علشان نفسك متحسش منك بالتجاهل زي ما بتقول كلام حلو للطرف التاني لما تبقي جوه علاقة.
٣-هتحترمها ومش هتهينها ومش هتسمح لحد يهينها او يسيئلها ومش هتيجي عليها علشان حد او حاجة .
٤-هتحرص انك تقضي معاها وقت وتعملوا نشاطات خاصه بيكوا لوحدكوا ، معاها بس علشان علاقتك بيها تقوي وتزدهر.
٥-هتراعي احتياجاتها النفسية والجسدية والروحية ، هتحافظ علي جسمك وصحتك وتحاول تطور عقلك وتطورك الروحي.
اخيرا ، انت مش محتاج بس تتجوز نفسك ، انت محتاج تخليه جواز ناجح، كل حاجه جواك محتاجة تدخل في الاتحاد ويبقوا في تناغم علشان لو حبيت تتجوز حد تاني يبقي بتتجوزه وانت كيان واحد ، مش هتلاقيه بيحب جزء ويسيب جزء.
