“سلمى فرج” الطاهية الموهوبة بدأت حبها في العاشرة وتألقت في السابعة عشر ..

موهبة غير تقليدية اسمها سلمى فرج صاحبة السبعة عشر ربيعاً؛ الطاهية الموهوبة و متخصصة التغذية كما يناديها الجميع.
بدأت سلمى شغفها بالطهى وهى فى سن العاشرة، مافيش وصفة سلمى ماتعرفش تعملها ما بين حادق وحلو، سخن وبارد، مصرى وغير مصرى.. سلمى مقضية معظم وقتها مابين كتب الطهى، البحث المستمر على الانترنت، ال online learning ، ال self study, و مابين اكلات سلمى ابتكرتها بنفسها، بدأت سلمى تشق طريقها فى المطبخ اللى بتعتبره مكانها المفضل فى المنزل، حيث تولت مسئولية الطبخ لأسرتها وتخصصت فى عمل الحلويات اللى بتمثل عشقها الأول، بدأت سلمى بعمل birthday cakes & cup cakes لاخواتها واصحابها فى عيد ميلادهم ومناسباتهم، اى مناسبة تعمل الحلويات الخاصة بالاحتفال بيها، تعمل حاجة حلوة وتبعتها للجيران او توزعها على اصحابها فى المدرسة، حتى لما هى او مامتها بيحبوا يجاملوا حد سلمى هى اللى بتعمل الحاجة الحلوة اللى هايخدوهاله ولما الناس كلهم اجمعوا على موهبة سلمى وحلاوة طعم حلويتها وبدأت سلمى تتشهر فى مدرستها كصاحبة أحلى cup cakes وبدأت تزيد الطلبات على منتجاتها، قررت سلمى بالاتفاق مع مامتها عمل مشروع خاص بيها لبيع الحلويات home made dessert، وكانت دى بداية cake break project، واللى بدأ فى ٢.١٤ وكانت سلمى وقتها عندها ١٣ سنة، وتم تأسيس صفحة cake break على ال face book سنة ٢.١٥، وبالفعل قدمت سلمى الكثير من اطباق الحلويات المتميزة فى المناسبات المتعددة من اعياد ميلاد واحتفالات مدرسية ومناسبات مثل ال valentine و ال Halloween و ال Easter و حفلات الزواج، …

سلمى مهتمة جداً بمجال التغذية وخاصة التغذية الصحية؛ healthy food/healthy life style.. وقطعت شوط كبير فى هذا المجال من قراءت وابحاث وتقدر تتكلم بطلاقة فى انواع الاكل والزيوت والاعشاب المختلفة وفوايدها ودورها فى الوقاية من الامراض والحفاظ على الصحة واهميتها لوظائف الجسم والمحافظة على الوزن والصحة العامة

سلمى فرج مؤسسة cake break لبيع ال home made dessert ، فتاه مصرية نموذج للموهبة الحقيقية والطموح و العزيمة وحب النجاح ومثال مشرف للاعتماد على النفس والرغبة فى التفوق و تحقيق الذات

رسالة من والدة سلمى
بنصح كل ام عندها طفل او طفلة موهوبة، اوعوا تقفوا امام هذه الموهبة، شجعوا ولادكم يعملوا اللى بيحبوه، دة هايزود ثقتهم بنفسهم وهايخليهم يحبوا الحياه وهايديهم طاقة ايجابية عشان ينجحوا، لما الواحد بيعمل الحاجة اللى بيحبها هايبدع وهايتفوق. اخلقوا من ولادكم نماذج ناجحة ومشرفة عن طريق تشجيعهم على اختياراتهم هما مش اختياراكم انتم ودعمهم لتحقيق اهدافهم هما مش اهدافكم انتم.. انا كنت بصرف على كتب و مكونات وادوات طهى لسلمى اكتر ما بصرف على أى حاجة تانية وبديها الاولوية وهاكمل على اد ما ربنا يقدرنى اديها كورسات وشهادات فى مجال الطهى والحلويات وهاسعى اطلعها فى الميديا عشان اول ماتتخرج تحقق حلمها وتبقى اصغر فتاة صاحبة مشروع متخصص فى صنع الحلويات فى مصر. يارب قدرنى وقدر كل أم