الرئيسية / مقالات / رانيا شكري تكتب..العلاقة قربت تنتهي…!

رانيا شكري تكتب..العلاقة قربت تنتهي…!

١- عايش على الذكريات:
انت متمسك بيه/ بيها علشان اللي كان بينكوا مش علشان اللي موجود فعلا ” هنا ودلوقتي”……عايش على امل ان الدنيا هترجع زي ما كانت في الأول.

٢-انت مبقتش” انت”:
لما تكون في علاقه انت مش سعيد فيها ممكن تلاقي نفسك اتغيرت ومبقتش نفس الشخص….بعد ما كنت سعيد وواثق من نفسك …بقيت شخص مهزوز وممكن غضبان طول الوقت.
٣-الطرف التاني مبيحاولش:
اي علاقه علشان تنجح وتستمر محتاجه مجهود من الطرفين ….ممكن يكون الطرف التاني رافض انه يعمل المجهود ده او دافن راسه في الرمله زي النعامه وشايف ان كل حاجه تمام وانك مأفور.

٤-خلافات دايمه ومتكرره:
خناقاتكوا عماله تكتر وبقى جواها مراره ….كل واحد عايز يثبت انه هو صح والتاني غلط حتى لو ده هييجي على حساب العلاقه…..فيه تجريح جامد ومحدش عايز يسمع التاني.

٥-قابل بحاجات مش عايزها:
قابل بحاجات كتير رافضها وعندك امل في التغيير السحري اللي مبيحصلش.

٦-قيمكوا الشخصيه مختلفه:
القيم الشخصيه يعني اهدافك في الحياه ….يعني الحاجات اللي انت بتديها اولويه ….لو فيه اختلاف كبير عن قيم الطرف التاني يبقى الحب لوحده مش كفايه علشان مش هتشوفوا معالم طريق واحد تمشوا عليه.

مش معني وجود بعض او كل كل اللي فات ….ان مفيش فرصه للإصلاح …لكن ده علامات red flags ان فيه حاجه غلط ولازم تشتغلوا عليها علشان متقومش يوم تلاقي علاقتك بيه بقت عامله زي شخص ميت وانت بتحاول تحييه.

عن admin

شاهد أيضاً

الإعلامية كريمة أبو العينين تكتب.. وكان ليه..!!!

عشرون عاما بعد موته وهو لاينسى لحظة حضور ملك الموت وترجيه له بان يتركه للحياة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *