عِشرة بوابتك للحياه
متفتشيش موبايله ولا تاخدي الباسوورد ولا تعمليله تحقيق راح فين وجاي منين. اصل الحاجات دي مش هتخليه ميخنكيش ، هي هتخليه بس حويط اكتر وهتبقي انتي مرتبطه عنده بالخنقه. ولو هو من الاول كان ماشي سليم ، بالطريقة دي هتخليه يبص بره فعلا.
انتي كده بتلعبي في اهم قيمة انسانية عند البني ادمين وهي الحرية.
سبيبه وخليكي واثقة في حبكوا واعرفي انك مهما عملتي وهو قرر يخون يبقي المشكلة مكانتش انك ما أحكمتيش السيطرة او حوطتي عليه كويس.
لو حصل وخانك ممكن تكون المشكلة في شكل واساس العلاقة بينكوا، او في انه شخص مش عارف عايز ايه ، المهم لو ده حصل. اتعاملي معاه في وقتها وشوفي هتقرري تعملي ايه.
بس والنبي لحد ما ده يحصل سيبي ام الموبايل.
