عِشرة بوابتك للحياه
قالوا مال شكلك بقى كده ليه
رديت قلت من الوجع
قالوا اصلب طولك كده
دا انت طول عمرك جدع
قلت خلاص تعبت
والله ماهو كسل ولا دلع
انا عارف نهايتى من زمان
من غير قراية فنجان
ولا محتاج ضرب ودع
أنا اللى انجرح قلبى بدرى
وضهرى انكسر وانخلع
أنا اللى ادي كل حاجه
وعمره ما بخل ولا منع
انا اللى كتب قصائد
وكلام كله شعر وسجع
انا اللى واجهت المصايب
من غير خوف ولا هلع
ولما جه قلبى يفرح
قفلوا الباب واتمنع
