عِشرة بوابتك للحياه
من خلال بوست على الفيس بوك بإحدى الصفحات المنتشرة على السوشيال ميديا سردت أحدى الفتيات ملامح الابهار في الزواج بالنسبة لها فقالت
عارفين ايه اللي مبهر بجد في الجواز (( بغض نظر عن قصة الحبيبين الاسطورين اللي قصتهم مسخت و بوخت ))
-المبهر بجد انك تدخل محل ملابس حريمي تلاقي راجل ماسك بيبي و بيلف ورا مراته و مش مكشر ولا صوته جايب اخر الموول بيسبلها .. لا مبتسم و بيقولها ادخلى قيسي يا حبيبتي مستنيكي
-الحلو في الجواز ان لما هيا بتصحى ٥٠٠ مره تغير للبيبي و ترضع و تنيم يصحى هو في مرة منهم
((مرة واحدة بس )) يقولها نامي يا حبيبتي ده دوري
-المبهر في الجواز انها تلاقيك بتساعدها في البيت والله عادي هتفضل لسه راجل (( النبي دايماً كان في خدمة اهله ))
-تسمعلها وانت مركز وتحترمها قدام اهلك .. بيفرق اوي مع الست ازاي بتعاملها قدام الناس مش قلة رجولة منك انك تقدرها قدام اهلك ولا انت كده هتبقى ماشي ورا مراتك .. بالعكس دي قمة الرجولة
(( النبي كان بيقول لا تؤذوني في عائشة ))
-الفكرة مش انك عملت اللي متعملش و قررت تتجوز لا عادي حتى الحشرات بتتجوز .. الفكرة انت فعلاً تستاهل ان واحدة تسيب بيتها و اهلها اللي كرموها و احترموها و تدخل بيتك ولا لأ..
